आठविसकोट र सानीभेरीलाई रेडक्रसले दियो स्वास्थ्य सामाग्री

रुकुमपश्चिम । कोरोना भइरस रोकथाम, नियन्त्रण तथा उपचारमा सघाउ पुर्याउने उद्देश्यले नेपाल रेडक्रस सोसाइटी जिल्ला शाखाले आठबिसकोट नगरपालिका र सानीभेरी गाउँपालिकालाई स्वास्थ्य सामग्री सहयोग गरेको छ ।

रेडक्रसले आठबिसकोट नगरपालिकामा सुरक्षार्थ स्वास्थ्य सामाग्रीहरु सर्जिकल मास्क ६ सय पिस, थर्मल गन १ वटा, फेसिल २५ वटा, पल्स अक्सिमिटर ३ वटा, पीपीई एप्रोन सेट ४ सेट, हातधुने सावुन ५० वटा, सोडियम हाईपो क्लोराइड १५ लिटर, सोडियम हाईपो क्लोराइड पम्प २ वटा, डसबिन २ वटा, कोभिड १९ फ्लेक्स २ वटा र सेनिटाइजर ३५ वटा नगरपालिका निमित्त प्रमुख प्रशासकिय अधिकृत ध्रुवप्रसाद लम्साललाई हस्तान्तरण गरिएको नेपाल रेडक्रस सोसाइटी जिल्ला शाखा रुकुमका मन्त्री टेकबहादुर खड्काले जानकारी दिए ।

त्यस्तै रेडक्रसले सानीभेरी गाउँपालिकालाई पनि स्वास्थ्य सुरक्षाका सामाग्री हस्तान्तरण गरेको छ । नेपाल रेडक्रस सोसाइटी रुकुम पश्चिमका मन्त्री टेकबहादुर खड्का लगायको टोलीले सानीभेरी गाउँपालिका कार्यालयमा पुगेर गाउँपालिका अध्यक्ष नरबहादुर पुनलाई सामाग्री हस्तान्तरण गरेका थिए ।

गाउँपालिकालाई हस्तान्तरण गरिएको स्वास्थ्य सामाग्रीमा सर्जिकल मास्क ६ सय पिस¸ थर्मल गन १ वटा¸ फेसिल २५ वटा¸ पल्स अक्सिमिटर ३ वटा¸ पीपीई एप्रोन सेट ४ वटा¸ हातधुने साबुन ५० पिस¸ सोडियम हाईपो क्लोराइड १५ लिटर¸ सोडियम हाईपो क्लोराइड पम्प २ वटा¸ डसबिन २ वटा¸ सेनिटाइजर ३५ वटा र कोभिड(१९ फ्लेक्स २ वटा रहेका छन् ।

मन्त्री खड्काले रेडक्रसले वितरण गरेको स्वास्थ्य सामग्रीबाट कोरोनाको उपचारका केही सहयोग पुर्याउने बताएका छन् । स्वास्थ्य सामग्री पाएपछि नगरपालिका र गाउँपालिकाले रेडक्रसलाई धन्यवाद दिएका छन् ।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…