कोरोना संक्रमणदर घटेन,परिक्षण गरिएका मध्ये दैनिक २० प्रतिशतमा कोरोना पुष्टि

काठमाडौं । कोरोना परिक्षणको आधार अनुसार अहिले पनि संक्रमणदर २० प्रतिशतभन्दा माथि नै छ । यसको सीधा अर्थ हो, कोरोना संक्रमणको जोखिम अझै घटेको छैन् । अहिले जनस्वास्थ्यका मापदण्डको पालना हुन छाडेका छन् । यही कारण कोरोना भाइरसको संक्रमण पनि बढ्न थालेको छ । सार्वजनिक स्थानमा भिडभाड जन्य क्रियाकलाप बढेको कारण फेरि महामारी फर्कने हो कि भन्ने चिन्ता बढेको छ । पछिल्ला दिनमा कोरोना संक्रमणको संख्या भुसको आगो झैँ बढ्न थालेको छ । विभिन्न अस्पतालका आइसियु तथा भेन्टिलेटरमा सिकिस्त विरामीले भरि भराउ छन् ।

कोरोनाको दोस्रो लहरको सुरुवाती दिनमा झैँ अस्पतालको प्राङगण मै उपचार गराउनुपर्ने अवस्था आइ सकेको छैन । तर, कोरोना संक्रमणको उपचारका लागि आउनेहरु संख्या बढ्दो छ । शिक्षण अस्पतालका कोभिड व्यवस्थापनका संयोजक डा. निरज वमले मुलुकमा अपेक्षा विपरित कोरोना संक्रमित संख्या नघटेको जानकारी दिए । त्यसमाथि पछिल्ला दिनमा परिक्षणको संख्यामा कमी आउँदा समेत संक्रमितको संख्या थपिन थालेपछि नेपाल फेरि संक्रमणको महामारी फर्कन सक्ने हो कि भन्ने भय बढ्न थालेको छ । डा.बमले तेस्रो लहर आएको खण्डमा अवस्था निकै भयावह हुन सक्ने चिन्ता समेत व्यक्त गरेका छन् ।

कोरोना महामारीलाई चटक्कै बिर्सिएर शहर बजारमा भीडभाड र राजनीतिक नारा जुलुस बढ्न थालेका छन् । आम नागरिकले पनि कोरोनाबाट मुलुक पूर्णरुपमा बाहिर आए झैँ गरेर गतिविधि बढाउन थालेका छन् । भीडभाड जन्य क्रियाकलापलाई रोक्नु पर्ने जिम्मेवारी पाएको निकायबाट समेत जनस्वास्थ्यका मापदण्डको अवज्ञा भएका देखिन्छ । कोरोना संक्रममणको जोखिमलाई बेवास्ता गर्दै यसरी भिडभाड बढ्दा संक्रमणलाई निम्तो दिइ झैँ हुने जनस्वास्थ्य विज्ञ डा.वासुुदेव पाण्डे बताउँछन् । पछिल्लो समय परिक्षणलाइ साँघुरो बनाउनु र कन्ट्याक्ट ट्रेसिङ नहुनुले कोरोना संक्रमणलाई बढावा दिइ जस्तो देखिएको पाण्डे बताउँछन् ।

अझै पनि बढ्दो कोरोना संक्रमणलाई वेवास्ता गर्ने हो भने नेपालले चाँडै नै भयावह अवस्थाको समाना गर्नुपर्ने बताउदै उनले सम्भावित जोखिमबाट आँखा नचिम्लिन आग्रह गरेका छन् । अहिले पीसीआर परीक्षण गरिएकामध्ये दैनिक २५ प्रतिशतलाई संक्रमण पुष्टि भइरहेको छ । यो हप्ता थप ३ वटा जिल्लामा ५ सय भन्दा बढी सक्रिय संक्रमित देखिएका छन् । एक हप्ता अघि ९ वटा जिल्लामा ५ सय भन्दा बढी सक्रिय संक्रमित थिए । तर, यो हप्ता सो संख्या बढेर १२ जिल्ला पुगेको छ । नेपालमा कोभिड–१९ महामारीको व्यवस्थापन र तेस्रो लहरको तयारीका लागि भन्दै जनस्वास्थ्य विज्ञहरुले बुधबार नै सरकारलाई १८ बुँदे सुझाव समेत पेश गरेका छन् ।

भौगोलिक परिस्थितिका कारण केही महिना भित्रै कोरोनाको तेस्रो लहर आउने सम्भावना उच्च रहेको जनाउँदै जनस्वास्थ्य विज्ञहरुले प्रधानमन्त्री शेरबहादुर देउवालाई यथाशीघ्र व्यवस्थापनका जुट्न सुझाव दिएका छन् । उनीहरुले १८ वर्षभन्दा माथिका नागरिकलाई यथाशिघ्र खोप लगाउन तथा खोप कार्यक्रममा निजी क्षेत्रलाई सरकारको सहयोगीका रुपमा संलग्न गराउन आग्रह गरेका छन् । साथै खोप कार्यक्रम कम भीडभाड हुने गरी खुल्ला स्थानमा संचालन गर्न पनि सुझाव दिएका छन् । साथै अस्पतालको बेड, एचडीयू, आईसीयू र भेन्टिलेटरको संख्या बढाउन पनि प्रधानमन्त्री देउवालाई उनीहरुले सुझाव दिएका छन् ।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…