सौराहामा बढ्न थाल्यो पर्यटकको चहलपहल, होटल र पर्यटन व्यवसायी उत्साही

काठमाडौं । दशैं विदाका कारण आन्तरिक पर्यटकको चहलपहल बढेसँगै चितवनको पर्यटकीय केन्द्र सौराहाका होटल व्यवसायीहरु उत्साही बनेका छन् । सौराहाका कतिपय होटल फूलपातीयता पूर्णिमासम्म नै पूर्णरुपमा बुकिङ भएका छन् । कतिपय भरिभराउ अवस्थामा छन् । दशैंको फूलपातीपछि अधिकांश होटल पर्यटकले भरिएको व्यवसायीहरुले बताएका छन् । क्षेत्रीय होटल संघ चितवनका अध्यक्ष दीपक भट्टराईले नवमी, दशमी र एकादशीका दिन सौराहाका होटलको अकुपेन्सी दर निकै राम्रो भएको जानकारी दिए ।

दशैंमा सौराहाका होटलको अकुपेन्सी दर ६५ प्रतिशतभन्दा बढी देखिएको छ । कोभिडका कारण लामो समय घुमफिरमा निस्कन नपाएका आन्तरिक पर्यटक दशैंको बिदामा सौराहा पुगेका छन् । सौराहामा आन्तरिकसँगै भारतीय र तेस्रो मुलुकका पर्यटकहरुको उपस्थिति पनि देखिन थालेको छ । क्षेत्रीय होटल संघ चितवनका अध्यक्ष भट्टराईले १० प्रतिशत हाराहारी भारतीय पर्यटक र केही तेस्रो मुलुकका पर्यटक समेत आएको जानकारी दिए ।

सौराहाका पर्यटन व्यवसायीले विदेशी पर्यटकहरुको पनि बुकिङ्ग आउन थालेको जानकारी दिएका छन् । विभिन्न सरकारी तथा गैर सरकारी संघसंस्थाका कोरोनाका कारण रोकिएका कार्यक्रमहरु पनि गर्नुपर्ने भएकाले अब पर्यटकहरुको आकर्षण बढ्ने विश्वास यहाँका पर्यटन व्यवसायीले गरेका छन् । सौराहाका ११० पर्यटकीय होटलमा ५ हजार ५ सय बेड रहेका छन् । होटलहरुमा पर्यटक भरिएसँगै रेष्टुरेन्टहरु पनि पर्यटकले भरिभराउ हुने गर्दछन् ।

सौराहाको राप्ती किनारमा धेरै रेष्टुरेन्टहरु सञ्चालनमा छन् । यससँगै अन्य विभिन्न क्षेत्रमा पनि पर्यटकलाई लक्षित गरी रेष्टुरेन्ट बनाइएका छन् । चितवन राष्ट्रिय निकुञ्ज र मध्यवर्ती सामुदायिक वनमा पर्यटकीय गतिविधिसमेत खुल्ला भएपछि सौराहामा पर्यटकहरु आउने क्रम बढ्न थालेको बताइएको छ । चितवन राष्ट्रिय निकुञ्जले असोज दोस्रो सातादेखि निकुञ्जभित्र जिप सफारी समेत खुल्ला गरिसकेको छ ।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…