बन्दुकधारीद्वारा नाइजेरियामा करीब २०० जनाको हत्या

काठमाडौं । बन्दुकधारीहरूले नाइजेरियामा करीब दुई सय जनाको हत्या गरेको छ । लुटेराहरूको समूहले पछिल्लो एक हप्ताको अवधिमा देशको उत्तरपश्चिमी क्षेत्रको जाम्फारामा २०० जनाको हत्या गरेको स्थानीयलाई उद्धृत गर्दै समाचार एजेन्सी रोयटर्सले जनाएको छ ।

आक्रमणबाट श्रीमती र आफ्ना तीन सन्तान गुमाएका उमारी माकेरी नाम गरेका एक व्यक्तिले समाचार एजेन्सी रोयटर्सलाई दिएको जानकारी अनुसार बन्दुकधारीहरुले १५४ जनाको शव गाडेका थिए ।

केही शव संकलन गरी सेनाले सामूहिक अन्त्येष्टि गरेको थियो । मोटरसाइकल चढेर आएका करीब ३ सय जना आक्रमणकारीले १० वटा गाउँमा आक्रमण गरेको बताइएको छ । आक्रमणकारीहरूले घर घरमै गएर गोली प्रहार गर्ने, लटपाट गर्ने गरेको स्थानीयको गुनासो छ ।

नाइजेरियामा लामो समयदेखि लडाकू तथा हिंस्रक समूहले आमनागरिकलाई दुःख दिने गरेका छन् भने उनीहरूसँग सरकारी पक्षले संघर्ष गरिरहनुपरेको छ ।

थप समाचार

कक्षा १२ को वार्षिक परीक्षा नसर्ने

म शिक्षामन्त्री बन्ने लाइनमा छैन्ः डा.अन्जान शाक्य

नेपाल आइपुगे ब्राजिलियन लेजेण्ड रोबर्टो कार्लोस

काठमाडौं आइपुगे भारतका विद्युत् मन्त्री

शिक्षामन्त्रीको राजीनामाले निम्त्याएको प्रश्न ? शिक्षकको सडकमै बास,प्रधानमन्त्रीको छैन् आस

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप