दोस्रो पटक जित्यो इङ्ल्यान्डले टी–ट्वान्टी विश्वकपको उपाधि

खोज पत्रिका आइतवार, २०७९ कार्तिक २७, २३ :३४ बजे

काठमाडौं । इङ्ल्यान्डले आईसीसी टी–ट्वान्टी विश्वकपको उपाधि हात पारेको छ । आइतबार भएको फाइनल खेलमा पाकिस्तानलाई ५ विकेटले हराउँदै इङ्ल्यान्डले दोस्रो पटक विश्वकपको उपाधि हात पारेको हो ।

पाकिस्तानले दिएको १ सय ३८ रनको लक्ष्य पछ्याएको इङ्ल्यान्डले १९ ओभर मा ५ विकेट गुमाउँदै लक्ष्य पूरा गरेको थियो । इङ्ल्यान्डले यसअघि सन् २०१० मा विश्वकपको उपाधि जितेको थियो । इङ्ल्यान्डका लागि वेन स्टोक्सले अर्धशतकीय पारी खेल । उनले ५२ रनको योगदान गरे ।

त्यस्तै जोस बट्लरले २६ रन बनाउँदा मोहिन अलीले १९ रन बनाए । हेरी ब्रोकले २० रन बनाए । यसअघि टस हारेर पहिले ब्याटिङ गरेको पाकिस्तानले निर्धारित २० ओभरमा ८ विकेट गुमाउँदै १३७ रन बनाएको थियो । पाकिस्तानका लागि सान मक्सोदले सर्वाधिक ३८ रनको योगदान गरे ।

त्यस्तै कप्तान बाबर आजमले ३२ रन बनाउँदा सादब खानले २० रनको योगदान गरेका थिए । इङ्ल्यान्डका लगि श्याम करनले तीन विकेट लिए । त्यस्तै आदिल राशिद र क्रिस जोर्डानले दुई–दुई विकेट लिएका थिए भने वेन स्टोकले एक विकेट लिएका थिए।

क्याटेगोरी : प्रमुख समाचार, विदेश, समाचार
ट्याग : #आईसीसी टी–ट्वान्टी विश्वकप, #इङ्ल्यान्ड