गुरुङ समुदायले मनाए तमु ल्होसार,नयाँ वर्षलाई स्वागत

काठमाडौं । गुरुङ समुदायले पुरानो वर्षलाई बिदाइ गरी नयाँ वर्षलाई स्वागत गरेर पुस १५ गते आज तमु ल्होसार पर्व मनाएको छ । गुरुङ समुदायले आज विभिन्न ठाउँमा मेला तथा सास्कृतिक कार्यक्रम आयोजना गरेर पर्व मनाएका हुन । तर पछिल्लो यस पर्व भड्किलो र खर्चिलो हुँदै गएको भन्दै आलोचना हुने गरेको छ । ‘ल्हो’ को अर्थ वर्ष र ‘सार’ को अर्थ फेरिनु भएकाले वर्ष फेरिने दिनलाई ‘तमु ल्होसार’ रुपमा गुरुङ समुदायले मनाउने गर्छन् ।

‘तमु ल्होसार’ पर्व सूर्यको किरणसँग सम्बन्धित छ । गुरुङ बाहुल्य रहेको लमजुङ, गोरखा, तनहुँ, स्याङ्जा, मनाङ, कास्की, पर्वतलगायत जिल्लामा सूर्यको ताप पहिले आउने भएकाले पुस १५ मा यो पर्व मनाउने गरिएको हो । यसपछि क्रमशः तामाङ र शेर्पा जातिको बसोबास भएको क्षेत्रमा सूर्यको ताप आउने भएकाले माघ र फागुनमा यो पर्व मनाइने विश्वास गरिन्छ ।

गुरुङ जातिको बसोबास भएका क्षेत्रमा आफ्नो सास्कृतिक , परम्परागत भेषभुषा तथा गीत सङ्गित सहित् र्याली गर्दै भब्य रुपमा यो पर्व मनाइएको छ । काठमाण्डौमा पन विभिन्न जिल्लाबाट आएर बसेका गुरुङ समुदायले भब्य रुपमा ल्होसार मनाएका छन । ल्होसार पर्वलाई कृषि र पशुपालनसँग पनि जोडेर हेर्ने गरिन्छ ।

गुरुङहरू खेतीपातीसँगै पशुपालन तथा अन्य व्यवसायमा घुलमिल हुन थालेपछि वर्षभरि काममा व्यस्त हुने र कृषि याममा समय नहुने हुँदा हिउँदको फुर्सदमा दाजुभाइ, छोरीचेली, इष्टमित्र, छरछिमेकी, साथीभाइ एकै ठाउँमा भेला भएर खाने, बस्ने र रमाइलो गर्ने पर्वको रुपमा पनि ल्होसारलाई लिने गरिन्छ ।

तमु ल्होसारको विशेष सांस्कृतिक महत्व पनि छ । यसले गुरुङको इतिहास, पहिचान, संस्कृति बोकेको छ । यही कारण पनि यस पर्वलाई उनीहरूको पहिचानको मूल कडीका रूपमा लिइएको छ । सबैका पर्व–संस्कृतिले आ–आफ्नो संस्कृति झल्काएजस्तै यस पर्वमा गुरुङ जातिको आफ्नो सांस्कृतिक भेषवूशा, खानपान, गीत–संगीत, सीप–कला प्रस्तुत हुन्छ ।

तमु ल्होसारको अवसरमा राष्ट्रपति विद्यादेवी भण्डारी, उपराष्ट्रपति नन्दबहादुर पुन, प्रधानमन्त्री पुष्पकमल दाहाल प्रचण्डलगायतले देश विदेशमा बसोबास गर्ने सम्पूर्ण गुरुङ समुदायलाई शुभकामना पनि दिएका थिए । ल्होसारका अवसरमा सरकारले सार्वजनिक बिदा दिएको थियो ।

थप समाचार

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…

माओवादीको अभियान कार्यतालिका हेरफेर,आजदेखि कुन जिल्लामा कहिले ?

कुलमान घिसिङलाई स्पष्टीकरण सोध्ने मन्त्रिपरिषद्को निर्णय