जम्मु–कश्मिरको पर्यटन प्रबद्धन स्पेन महोत्सवमा

विश्वको सबैभन्दा ठूलो पर्यटन मेला मध्येको एक एफआइटीयूआरको ४३ औं संस्करण स्पेनका राजा फेलिप छैठौंले उद्घाटन गरेसँगै सुरु भएको हो । जम्मु–कश्मीर पर्यटन विभागले पाँच दिने कार्यक्रममा एक महत्त्वपूर्ण सरोकारवाला र भारतको आधिकारिक पर्यटन प्रतिनिधिमण्डलको भागको रूपमा भाग लिइरहेको छ। उद्घाटनपछि राजाले मेलामा रहेको इन्क्रेडिबल इन्डिया प्याभिलियनको भ्रमण गरेका थिए ।

इन्डिया प्याभिलियनमा रहेको जम्मु–कश्मिर स्टलले जम्मु–कश्मिरको सुन्दरताको बारेमा चित्रहरू राखेको थियो। पर्यटकीय स्थलमा पर्यटन विभागले भिजुअल तथा छापा प्रचार सामग्री प्रदर्शन र वितरण गरेको थियो । विभाग द्वारा आयोजित कार्यक्रम र जम्मु–कश्मिर को सौन्दर्य सम्बन्धी भिडियोहरू प्याभिलियनमा एलईडी स्क्रिनहरूमा प्ले गरिएको थियो।
प्याभिलियनमा आगन्तुकहरुलाई अफबिट गन्तव्यका बारेमा प्रस्तुति समेत दिइएको थियो ।

जम्मु–कश्मिर पर्यटन टोलीले आगन्तुकहरू र अन्य सहभागी सरोकारवालाहरूसँग अन्तरक्रिया गर्‍यो र तिनीहरूलाई जम्मु–कश्मिर को पर्यटन सम्भावना, लगानीका अवसरहरू र लगानीकर्ता मैत्री नीतिहरूको बारेमा जानकारी गरायो। स्पेनका लागि भारतका राजदूत दिनेश पटनायकले जम्मु–कश्मिर स्टलको पनि भ्रमण गरे र पर्यटन प्रवर्द्धन गर्ने प्रयासको लागि विभागको प्रशंसा गरेका छन् ।

थप समाचार

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…

माओवादीको अभियान कार्यतालिका हेरफेर,आजदेखि कुन जिल्लामा कहिले ?

कुलमान घिसिङलाई स्पष्टीकरण सोध्ने मन्त्रिपरिषद्को निर्णय