करोडौं रकम लिएर प्रभु बैँकका कर्मचारी निराजन शाह फरार, प्रहरी भन्छ उजुरी नै आएको छैन् !

रुकुमपश्चिम । जिल्लाको आठविसकोट नगरपालिकाको राडीबजारमा रहेको प्रभु बैंकका एक कर्मचारी करोडौ रकम लिएर फरार भएका छन् । उपचारको लागि भन्दै एक साताअघि १२ दिनको बिदा लिएका अप्रेशन ईन्चार्ज निराजन शाहले दर्जनौ बचतकर्ताको करोडौ रकम लिएर फरार भएका हुन् । बैंकसँगै पसल भएका ब्यापारी शंकर पुनको खाताबाट मात्रै शाहले १० लाख रकम अर्को खातामा ट्रान्सफर गरेका छन् । पुनले बैंक शाखाका प्रमुख डम्बर गौतमले छानविन भइरहेको भन्दै केही दिन पर्खन आग्रह गरेको बताए । अन्य विभिन्न व्यक्तिका खाताको रकम पनि निकालेको आशंका गरिएको छ ।

वडा कार्यालय, नगरपालिका समेतको नाममा रहेको खाताको रकम पनि दुरुपयोग भएको स्थानीयले बताएका छन् । बिभिन्न बचतकर्ताको करिव ५ करोड बराबरको रकम दुरुपयोग भएको हुनसक्ने आशंका गरिएको छ । बैंकले भने हिसाव चेकजाँच भइरहेको भन्दै आधिकारिक जानकारी गराएको छैन् ।

बैंकबाट रकम निकालेको सुचना बाहिरिएपछि छानबिनको लागि प्रभु बैंकको कर्णाली प्रदेशबाट टोली पुगेको छ । पैसा लिएर फरार भएका शाह अहिलेसम्म फेला परेका छैनन् । कतिपयले निराजन शाह अर्केको श्रीमती र बैंकको पैसा हिनामिना गरेर भारत छिरेको समेत बताइरहेका छन् ।

प्रभु बैंक आठविकोटका शाखा प्रमुख डम्बर गौतमले आफू विदामा बसेको बेला यो घटना भएको जानकारी दिए । उनले भने पैसा हिनामिना गरेर भागेको भन्ने खबर पाएपछि आफू बैंक आएको र अनुसन्धान सुरु गरेको छु । अहिले कर्णाली प्रदेशबाट समेत टोली आएको र बैंकको हिसाव हेरिरहेका छौं । अहिलेसम्म यति नै रकम हिनामिना भयो भन्ने अवस्था छैन् हामी अनुसन्धानमै छौं । सबै तथ्य पत्ता लाग्न अझै केही दिन लाग्ने शाखा प्रमुख गौतमले टेलिफोनमा भने ।

एक महिनाअघि देखि नै बैंकले राम्रो काम नगरेको भन्दै स्थानीयले केही आशंका गरेका थिए । तर, निराजन शाहमाथि अनुसन्धान नै नभएको उनीहरुको गुनासो छ । एक महिना अघि देखि नै शाहले करोडौं रकम लिएर भाग्ने योजना बुनेको देखिन्छ ।

आठविसकोट इलाका प्रहरी कार्यालयका प्रमुख नविन मरासिनी आफू कहाँ बैंकको रकम हिनामिना भएको घटनाबारे उजुरी नआएको बताउछन् । उनले भने आठविसकोटबाट एक महिला हराएको र खोजी गरिदिन निवेदन आएपनि बैंकको कर्मचारी फरार भएको बारे हल्ला सुनेपनि आधिकारिक रुपमा कुनै जानकारी आएको छैन् ।

हल्लाका पछि प्रहरी कुदेर अनुसन्धान गर्ने कुरा भएन, बैंकले आफै आन्तरिक रुपमा अनुसन्धान गरिरहेको होला । हामीलाई जानकारी आएको छैन् । जानकारी आएपछि मात्रै हामी अनुसन्धान सुरु गर्छौ ।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…